Video: चक्क दोन पायांवर माणसासारखा उभा राहिला बिबट्या! जंगलातील चमत्कार कॅमेऱ्यात कैद

leopard

Image Credit source: Instagram

जगभरातील जंगलांमध्ये रोज काही ना काही असे घडते, जे माणसाला आश्चर्यचकित करते. पण दक्षिण आफ्रिकेतील प्रसिद्ध क्रूगर नॅशनल पार्कमधून समोर आलेले चित्र इतके विलक्षण होते की, ज्याने ते पाहिले त्याला आपल्या डोळ्यांवर विश्वास ठेवणे कठीण झाले. गडद जंगल, शांत वातावरण आणि मध्यभागी अचानक काहीतरी असे घडले, जे सामान्यतः होत नाही. इतके वेगळे आणि अनोखे की, कॅमेऱ्यात कैद होताच तो क्षण व्हायरल झाला. सोशल मीडियावर या व्हिडीओबद्दल चर्चा इतकी वाढली की, प्राण्यांच्या वागणुकीचे अभ्यासकही चकित झाले. हा व्हिडीओ जणू काही एखाद्या चित्रपटातील अॅनिमेट केलेला सीन आहे.

दोन पायांवर उभा बिबट्या

दक्षिण आफ्रिकेतील क्रूगर नॅशनल पार्कमधून असा व्हिडीओ समोर आला आहे, ज्याला पाहून प्रत्येकजण थक्क झाला. जंगलातील बिबट्या एका वेगळ्याच अंदाजात दिसला. सामान्यतः चार पायांवर चालणारा हा शिकारी अचानक माणसांसारखा दोन पायांवर उभा राहिला, तेही आपल्या शिकाराच्या शोधात. हा नजारा एखाद्या चित्रपटाच्या सीनपेक्षा कमी नव्हता. सफारीवर गेलेल्या मॅरी टारडान या महिलाने या अनोख्या क्षणाला आपल्या कॅमेऱ्यात कैद केले आहे. हे दृश्य कुमना डॅमजवळ रेकॉर्ड करण्यात आले आणि नंतर ‘लेटेस्ट साइटिंग्स क्रूगर’ या फेसबुक पेजवर अपलोड करण्यात आले. काही वेळातच हा व्हिडीओ सोशल मीडियावर धुमाकूळ घालताना दिसला.

वाचा: या 5 राशींचं आयुष्य बदलणार! नव्या संधी मिळणार, बुध करणार पुष्य नक्षत्रात गोचर

यूजर्स चकित झाले

हा व्हिडीओ @ParveenKaswan या एक्स अकाउंटवरून शेअर करण्यात आले आहे. त्याला आतापर्यंत लाखो लोकांनी पाहिले आहे आणि अनेकांनी लाइकही केले आहे. त्यामुळे सोशल मीडियावरील यूजर्स व्हिडीओबद्दल विविध प्रतिक्रिया देत आहेत. एका यूजरने लिहिले, ‘बिबट्या हा वेगवान शिकारी नसतो, तो खूप चतुर असतो.’ दुसऱ्या यूजरने लिहिले, ‘आश्चर्य काय आहे त्यात, ते असे कदाचित नेहमीच करत असतील.’ तर एका अन्य यूजरने लिहिले, ‘हा किती मनमोहक नजारा आहे.’