Viral Video:..म्हणतात मांजर डोळे झाकून दूध पिते,हा व्हिडीओ पाहा, तुम्हाला विश्वास बसणार नाही, मांजरही दुधासाठी करु शकते विनंती

मुंबईः पाळीव मांजर (Cat) हा प्राणी तसा चतुर आहे, मांजर घरातील दूध कुणाचीही नजर चुकवून पिऊन जाते तेव्हा मांजरा खरी डोकेदुखी ठरते.तर काही मांजरी खूप खोडकर आणि कृतीशील आहेत. आत्तापर्यंत तुम्ही मांजरींना गुपचूप दूध पिताना पाहिला असेल. पण तुम्ही कधी मांजरीला आदराने दूध (Cat asking Milk) मागताना पाहिले आहे का? नसेल तर आम्ही तुम्हाला अशाच मांजरीची गोष्ट सांगणार आहोत. सध्या असाच एक व्हिडीओ सोशल मीडियावर प्रचंड व्हायरल होत आहे. ज्यामध्ये एक व्यक्ती गाईचे दूध काढताना दिसत आहे, तर एक मांजर त्याच्या शेजारी बसून त्या व्यक्तीकडे बोट दाखवून त्याच्याकडून प्रेमाने दूध मागत आहे.

बस सबके इशारे को समझने की ज़रूरत है.❤️ pic.twitter.com/2UrqPwS8Pv

— Awanish Sharan (@AwanishSharan) May 2, 2022

त्यामुळे दूध मागतानाचा हा व्हिडीओ तुम्ही जर बघितला तर तुम्हाला मांजरीचे अप्रूपही वाटेल आणि तुम्हाला हसूही आवरता येणार नाही.

दुधासाठी मांजर आशावादी

सोशल मीडियावर ज्या मांजरीचा व्हिडीओ व्हायरल (Viral Video) झाला आहे, त्या व्हिडीओने तर सोशल मीडियावर धुमाकूळ घातला आहे. व्हिडिओमध्ये तुम्हाला एक व्यक्ती गायीचे दूध काढताना दिसेल, जी व्यक्ती दूध काढत आहे, ती आपल्या कामात व्यस्त आहे. मात्र त्याचवेळी त्या व्यक्तीच्या शेजारी एक मांजरीही आशावादी नजरेने पाहत बसली आहे. कारण आपल्यालाही थोडी चव चाखायला मिळेल या आशेने जवळच बसलेली आहे. ती मांजरी फक्त दुधाच्या लालसेने जवळ फक्त बसली नाही तर तिला चांगलं कळतं आहे की, आता दूध काढत असताना आपणही त्या गायीच्या मालकाकडे दूध मागितले पाहिजे. म्हणून ती मांजरी दुधासाठी दूध काढणाऱ्या त्या व्यक्तीला पुन्हा पुन्हा स्पर्श करून हातवारे करत असल्याचे पाहायला मिळते आहे.

व्हिडीओ पाहताना खरी मज्जा

दूध काढणाऱ्या व्यक्तीजवळ बसून आशावादी नजरेने पाहत बसलेल्या मांजरीने जेव्हा व्यक्तीला स्पर्श करत आपल्यासाठी दुधाची मागणी करते, त्यानंतर हा व्हिडीओ पाहताना खरी मज्जा येते. मांजर स्पर्श करुन दूध मागते त्यानंतर गाईचे दूध काढणारा व्यक्तीही गाईच्या कासेतून दूध थेट मांजराच्या तोंडामध्ये सोडते. त्यावेळी मांजरानेही या संधीचा फायदा घेत मिळणाऱ्या दूध पिऊन घेतले. त्यामुळे हा व्हिडीओ प्रचंड व्हायरल झाला आहे.

कॅप्शनही मजेशीर

हा व्हिडिओ आयएएस अधिकारी अवनीश शरण यांनी ट्विटरवर शेअर केला आहे, हा व्हिडीओ शेअर करताना त्याला कॅप्शनही मजेशीर देण्यात आले आहे. त्यांनी लिहिले, ‘फक्त प्रत्येकाचे हावभाव समजून घेणे आवश्यक आहे.’ आतापर्यंत 54 सेकंदांची ही क्लिप 5 लाख 72 हजारांहून अधिक यूजर्संनी पाहिले आहेत. तर या पोस्टला 27 हजारांहून अधिक लोकांनी लाईक केले आहे. ही संख्या सातत्याने वाढत आहे.