वर्षाच्या पहिल्या महिन्यात बनवा घरगुती बजेट, फायदे तर जाणून घ्या

घरचं बजेट

नववर्ष सुरु झालं असून पहिला महिना अजून संपलेला नाही. त्यामुळे तुमच्या घराचं वर्षाचं बजेट लगेच बनवायला घ्या. वर्षाच्या सुरवातीपासूनच तुम्ही तुमचे बजेट बनवावे, जर तुम्ही तुमचे बजेट अजून बनवले नसेल तर आत्ताच बनवा. आज आम्ही तुम्हाला सांगणार आहोत की, तुम्ही तुमचे बजेट कसे बनवू शकता आणि त्याचे फायदे काय होतील.

घराचे बजेट कसे तयार करावे?

सर्वप्रथम आपल्या मासिक उत्पन्नाचा अंदाज घ्या. यात तुमचा पगार, बोनस, भाडे, गुंतवणुकीतून मिळणारे उत्पन्न अशा इतर स्त्रोतांमधून मिळणारे उत्पन्न यांचा समावेश आहे.

उदाहरण: 50,000 रुपये/महिना (वेतन), 10,000 रुपये /महिना (भाडे) = एकूण उत्पन्न ₹ 60,000/महिना.

खर्चाची दोन प्रकारात विभागणी करा

खर्च: हे घरभाडे, बिले, मासिक कर्जाचे हप्ते, जेवण असे खर्च आहेत.
अनावश्यक खर्च: या खर्चात खरेदी, बाहेर जेवायला जाणे, प्रवास करणे इत्यादींचा समावेश होतो.

बचत आणि गुंतवणुकीसाठी रक्कम राखून ठेवा

बचत आणि गुंतवणुकीसाठी दर महिन्याला ठराविक रक्कम राखून ठेवावी. आपल्या एकूण उत्पन्नाच्या किमान 20 टक्के रक्कम बचत आणि गुंतवणुकीसाठी राखून ठेवणे हा उत्तम नियम आहे. उदाहरणार्थ, आपल्या उत्पन्नाच्या 20 टक्के = 12,000 रुपये आपण बचत आणि गुंतवणुकीसाठी ठेवता.

शिल्लक रक्कम किती : 18,00 रुपये

घराच्या बजेटचे गणित असे करा?
उत्पन्न 60,000 – खर्च रु. 30,000 – बचत रु. 12,000 = उर्वरित 18,000 रुपये गुंतवणुकीसाठी वापरता येतात.

आपत्कालीन परिस्थितीसाठी निधी तयार ठेवा
आपत्कालीन परिस्थितीसाठी निधी तयार करणे गरजेचे आहे. आजारपण, नोकरी गमावणे अशा भविष्यातील परिस्थितीला सामोरे जाण्यास हा फंड मदत करेल. हा फंड तुमच्या तीन ते सहा महिन्यांच्या खर्चाएवढा असावा.

घराच्या बजेटचे फायदे काय?

बजेटिंग आपल्याला आर्थिक उद्दिष्टे निश्चित करण्यास मदत करते.
बजेटिंगमुळे अनावश्यक खर्च टाळता येऊ शकतो.
बजेटिंगमुळे तुम्हाला वेळेवर बिले भरता येतात.
बजेटिंगमुळे आपण आपले पैसे कोठे खर्च करीत आहात याची कल्पना येते.
बजेटिंग आपल्याला वाईट खर्च करण्याच्या सवयी टाळण्यास मदत करू शकते.
बजेटिंग आपल्याला कर्जातून बाहेर पडण्यास मदत करू शकते.

नववर्ष सुरु झालं आहे. आता पहिल्याच महिना सुरु आहे. त्यामुळे याच जानेवारी महिन्यात घराचे बजेट तयार करा आणि बचत करा.

(डिस्क्लेमर: या आर्टिकलमध्ये देण्यात आलेली माहिती सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)