ICICI Bank ग्राहकांना खुशखबर, बँकेने तिस-यांदा वाढवला व्याजदर, मुदत ठेवीवर होणार कमाई
ICICI बँकेने 21 एप्रिल रोजी व्याद दरात वाढ केली होती. यावेळी ही बँकेने मुदत ठेवीवरील व्याजात 0.05 ते 0.10 टक्क्यांची वाढ केली आहे
मुंबई : खासगी क्षेत्रातील आघाडीची बॅंक आयसीआयसीआय बँकेने (ICICI Bank) पुन्हा एकदा कोट्यवधी ग्राहकांना सुखद धक्का दिला आहे. आयसीआयसीआय बँकेने मुदत ठेवींवरील व्याजदरात (FD Interest Rates) वाढ केली आहे. दोन कोटी रुपयांपेक्षा अधिक आणि पाच कोटी रुपयांपेक्षा कमी रकमेच्या एफडीवरील (Fixed Deposit) व्याजदरात वाढ करण्यात आली आहे. बँकेच्या अधिकृत संकेतस्थळा नुसार, आयसीआयसीआय बँकेने अनेक मुदतीवरील व्याजदरात 5 ते 10 बेसिस पॉईंट्सची (Basis Points) वाढ केली आहे. यापूर्वी आयसीआयसीआय बँक 1 वर्ष आणि 15 महिन्यांपेक्षा कमी कालावधीच्या एफडीवर 4.30 टक्के व्याज देत होती, ती 4.35 टक्के करण्यात आली आहे. अशा प्रकारे मुदत ठेवींच्या व्याजदरात 5 बेसिस पॉईंट्सची वाढ करण्यात आली आहे. नवे दर 29 एप्रिल 2022 रोजी पासून लागू झाले आहेत. यापूर्वी बँकेने 21 एप्रिल रोजी व्याजदरात वाढ केली होती.
मुदत ठेवीवरील परतावा हा नेहमी दोन गोष्टींवर अवलंबून असतो. तुम्ही जमा करत असलेली रक्कम आणि किती कालावधीसाठी तुम्ही मुदत ठेव ठेवतात, तो कालावधी. याचा अर्थ किती रक्कम किती महिने अथवा किती वर्षांकरीता जमा करण्यात येत आहे, त्याआधारे ग्राहकाला परतावा मिळतो. कधी फायदा होतो तर कधी कमी परतावा मिळतो. बँक त्यांच्या धोरणानुसार जमा केलेल्या रक्कमेवर व्याज दरांची घोषणा करते. त्यामुळे कोणत्याही बँकेत गुंतवणूक करताना त्याची तुलना करा, म्हणजे तुम्हाला फायदा मिळेल.
नवीन व्याज दर
बँक ग्राहकांना एक वर्ष ते 389 दिवसांकरीता मुदत ठेवीवर आता 4.35 टक्के व्याज देते, पुर्वी बँक या कालावधीसाठी 4.30 टक्के व्याज देत होती. 390 दिवस ते 15 महिन्यांच्या मुदत ठेवीवर बँक 4.35 टक्के व्याज देणार आहे. पूर्वी या कालावधीसाठी बँक 4.30 टक्के व्याज देईल. याशिवाय 15 महिने ते 18 महिन्यांच्या एफडीसाठी बँक आता 4.45 टक्के व्याज देणार आहे.पूर्वी या कालावधीसाठी 4.40 टक्के व्याज देईल. बँकेने सर्व मुदत ठेवींसाठी व्याजदरात 5 बेसिस पॉईंटची वाढ केली आहे.
या मुदत ठेवीवर मिळणार 0.10 टक्क्यांचा फायदा
18 महिने ते 2 वर्षांपर्यंतच्या कालावधीसाठीच्या मुदत ठेवीवर आता 4.50 टक्क्यांऐवजी 4.60 टक्के व्याज मिळेल. तर 2 वर्ष 1 दिवस ते 3 वर्षांपर्यंत्या मुदत ठेवींवर 4.60 टक्क्यांऐवजी 4.70 टक्के व्याज मिळेल. याशिवाय 3 वर्ष 1 दिवस ते 5 वर्ष आणि 5 वर्ष 1 दिवस ते 10 वर्ष कालावधी पूर्ण होणा-या मुदत ठेवींवर 4.7 टक्के व्याज मिळणार आहे. आता व्याजदरात वाढ होऊन ते 4.80 टक्के होणार आहे. बँकेने या सर्व मुदत ठेवींच्या व्याजदरात 10 बेसिस पॉईंटची वाढ केली आहे. याशिवाय इतर कोणत्याही कालावधीसाठीच्या मुदत ठेवीमध्ये बँकेने कसलाही बदल केलेला नाही.
