bank Safety Tips : सायबर गुन्हेगारांपासून ‘अशी’ करा तुमच्या बँकेतील पैशांची सुरक्षा, एक चुकही पडू शकते महागात
अनेकदा आपल्या एका चुकीमुळे आपले संपूर्ण बँक खाते रिकामे होऊ शकते. या चुका टाळण्यासाठी काय काळजी घ्यावी? याची माहिती आज आपण जाणून घेणार आहोत.
तुम्ही तुमच्या बचत खात्यामध्ये (Savings Account) ठेवलेला पैसा हा सुरक्षीत असू शकतो. मात्र अनेकदा तुमच्या बचतीला सायबर गुन्हेगारांची (Bank Fraud) नजर लागू शकते. अनेकदा तुमच्या एका चुकीमुळे तुमचे संपूर्ण खाते रिकामे होऊ शकते. सध्या सायबर गुन्हेगारीमध्ये विशेष: बँकिंग क्षेत्रात याचे प्रमाण वाढले आहे. अशा परिस्थितामध्ये आपला पैसा सुरक्षीत ठेवण्यासाठी योग्य ती काळजी घेणे महत्त्वाचे ठरते. अशा गुन्हेगारांपासून वाचण्यासाठी काय काळजी घ्यावी हे आपल्याला बँकांकडून देखील वारंवार सांगण्यात येत असते. आपली एक चूक देखील आपल्याला महागात पडू शकते. त्यामुळे अशा धोक्यांपासून वाचण्यासाठी काय काळजी घ्यावी (Safety Tips) याबाबत आज आपण माहिती जाणून घेणार आहेत. या टीप्स निश्चितच तुम्हाला कुठलाही बँकिंग व्यवहार करताना उपयोगी पडतील.
छोटा आणि सोपा पासवर्ड
बँकिंग व्यवहार करताना आपल्याला अनेकदा पासवर्डची आवश्यकता भासते, जसे की तुमच्या डेबीट कार्डला पासवर्ड असतो, क्रेडिट कार्डला पासवर्ड असतो. नेट बँकिंगमध्ये देखील पासवर्डची आवश्यकता असते त्याशिवाय कोणताही व्यवहार करता येत नाही. मात्र अनेक जण हा पासवर्ड लक्षात राहावा यासाठी सोपा पासवर्ड ठेवण्याची चुक करतात. या पासवर्डमध्ये संबंधित व्यक्तीचे नाव, मोबाईल क्रमांक अशा गोष्टींचा समावेश असतो, मात्र तुम्ही चुकनही सोपा पासवर्ड ठेवू नका हा पासवर्ड सायबर गुन्हेगार सहज शोधू शकतात.
बँकेशी संबंधित माहिती कोणालाही शेअर करू नका
अनेकदा तुम्हाला अनोळखी नंबरवरून कॉल येतात. तुमच्या बँकेशी संबंधित माहिती तसेच तुमच्या पॅन कार्ड, आधार कार्डशी संबंधित माहिती विचारली जाते. तुमच्याकडे मोबाईलवर आलेल्या ओटीपीची मागणी होते. मात्र तुम्ही अशा स्थितीमध्ये सावध रहा. कोणतीही माहिती शेअर करू नका. लक्षात घ्या बँकेकडून आपल्या ग्राहकांना अशी कोणतीही माहिती विचारली जात नाही. याबाबत बँकांच्या वतीने देखील वारंवार ग्राहकांची जागृकता करण्यात येत असते.
बँक खाते वारंवार चेक करा
आणखी एक महत्त्वाची टीप्स म्हणजे तुम्ही तुमचे बँक खाते दिवसातून एकदा तरी चेक करत चला म्हणजे तुम्हाला अपडेट मिळत राहातील. एखाद्यावेळी तुमच्या खात्यातून रक्कम कपात झाल्याचे तुम्हाला आढळून आल्यास तातडीने आपल्या बँकेशी संपर्क साधा आणि झालेल्या व्यवहाराची माहिती द्या. रक्कम कपात कशी झाली याबाबत विचारणा करा.
