tv9 Marathi Special Report | नाशिक धर्मांतर प्रकरणातील 7 जण अटकेत, मुख्य सूत्रधार निदा खान कुठे फरार?

नाशिक शहरात लैंगिक शोषण आणि धर्मांतराच्या प्रकरणावरून संतापाची लाट उसळली असून, सकल हिंदू समाजाच्या वतीने मोठा मोर्चा काढण्यात आला. हा मोर्चा TCS कंपनी परिसरातून जिल्हाधिकारी कार्यालयापर्यंत काढण्यात आला. मोर्चात मोठ्या संख्येने महिलांनी सहभाग नोंदवत धर्मांतराच्या घटनेचा निषेध केला. या प्रकरणात भाजप आमदार देवयानी फरांदे यांनी आरोपींना फाशीची शिक्षा देण्याची मागणी केली आहे.
दरम्यान, या प्रकरणाचा तपास Anti-Terrorism Squad (ATS) कडे सोपवण्यात आला असून, नाशिकमध्ये ATSचे पथक दाखल झाले आहे. आतापर्यंत आठ जणांविरोधात गुन्हा दाखल करण्यात आला असून, त्यापैकी सात जणांना अटक करण्यात आली आहे.
या प्रकरणातील मुख्य आरोपी निदा खान गेल्या 20 दिवसांपासून फरार असून, ती TCS कंपनीत मॅनेजर पदावर कार्यरत असल्याची माहिती आहे. तसेच, तिचा दिल्लीतील बॉम्बस्फोट प्रकरणाशी संबंध असल्याची शक्यता सूत्रांकडून व्यक्त केली जात आहे. या पार्श्वभूमीवर नाशिकमधील वातावरण तणावपूर्ण असून, तपास यंत्रणांकडून अधिक चौकशी सुरू आहे.