गिरोली घाट परिसरात गव्याच्या कळपाचे दर्शन, नागरिकांमध्ये भीतीचे वातावरण

कोल्हापूर : पन्हाळा तालुक्यात गव्याचा वावर वाढल्याचे पहायला मिळत आहे. गिरोली घाट परिसरात तब्बल दहा गवे असलेल्या कळपाचे दर्शन झाले आहे. हे गवे भर दिवसा आसपासच्या गावात तसेच रस्त्यावर फीरत असल्याने नागरिकांमध्ये भितीचे वातावरण निर्माण झाले आहे. रोडवर अचानक गवा आल्यास एखादा मोठा अपघात देखील होऊ शकतो अशी भीती नागरिकांमधून व्यक्त होत आहे.