राजीनामा झाल्याशिवाय शांत बसायचं नाही; बड्या नेत्याची… राज्यात पुन्हा नव्या राजीनाम्याची मागणी

आदित्य ठाकरे यांनी महाराष्ट्र लोकसेवा आयोगाच्या (एमपीएससी) अध्यक्षांच्या राजीनाम्याची मागणी केली आहे. एमपीएससीच्या अध्यक्षांचा राजीनामा झाल्याशिवाय शांत बसायचे नाही, असा निर्धार त्यांनी व्यक्त केला. गेल्या दोन ते तीन वर्षांपासून एमपीएससीमध्ये सुरू असलेल्या विविध प्रकारांमुळे विद्यार्थ्यांमध्ये तीव्र नाराजी आहे.

या सर्व प्रकारांमुळे विद्यार्थ्यांचा रोष हा अध्यक्षांवरच असल्याचा दावा आदित्य ठाकरे यांनी केला. या गंभीर परिस्थितीत अध्यक्षांचा राजीनामा घेणे अत्यंत महत्त्वाचे असल्याचे त्यांचे म्हणणे आहे. एमपीएससी अध्यक्षांच्या कार्यपद्धतीवर प्रश्नचिन्ह उपस्थित करत, ते नेमके काय करत आहेत, असा सवाल त्यांनी उपस्थित केला. विद्यार्थ्यांच्या भविष्याचा विचार करता, या मागणीवर ठाम राहून अध्यक्षांचा राजीनामा होईपर्यंत आंदोलन सुरू ठेवण्याचा त्यांचा मानस आहे.