Abhijeet Dipake : एवढीच भीती वाटते तर…; दिल्लीतील बंदोबस्तावर अभिजित दीपकेंचा सरकारला टोला

दिल्लीतील प्रस्तावित आंदोलनाच्या पार्श्वभूमीवर मेट्रो सेवा आणि प्रमुख रस्ते बंद करण्याच्या सरकारच्या निर्णयावर अभिजित दीपके यांनी तीव्र टीका केली आहे. “एवढीच भीती वाटते तर अख्खा देश बंद करा,” असे म्हणत त्यांनी सरकारच्या भूमिकेवर प्रश्नचिन्ह उपस्थित केले.

सकाळी २ वाजेपर्यंत दिल्ली बंद ठेवण्याच्या निर्णयामुळे प्रवाशांचे हाल होत असल्याबद्दल दीपके यांनी नाराजी व्यक्त केली. आंदोलनामुळे लोकांना गैरसोय होते असे सरकार म्हणत असले, तरी मेट्रो आणि रेल्वे सेवा बंद करून, रस्ते अडवून सरकार स्वतःच लोकांना जास्त गैरसोय करत असल्याचा आरोप त्यांनी केला.

ज्ञानेश कुमार यांनी १३ कोटी मते हटवली असल्याचा दावा करत, त्यासाठी त्यांनी कोणती परवानगी घेतली होती, असा सवाल दीपके यांनी केला. कलम १९ नुसार आंदोलनाचा संवैधानिक अधिकार असल्यामुळे अशा निदर्शनांसाठी परवानगीची गरज नसल्याचे त्यांचे म्हणणे आहे. दिल्ली पोलीस जंतर-मंतरकडे जाणारे सर्व रस्ते बंद करत असल्याने, “हुकूमशहा घाबरला आहे,” अशी टीकाही दीपके यांनी केली. आणीबाणीच्या काळातही रेल्वे बंद झाल्या नव्हत्या, याची आठवण करून देत त्यांनी सध्याच्या परिस्थितीवर चिंता व्यक्त केली.