त्यांच्यावर सर्वांनाच विश्वास आहे, मात्र… एमपीएससी कारभारात तुकाराम मुंढेंची नियुक्ती होताच काँग्रेस नेत्याचे विधान
अभिजीत वंजारींनी पदवीधर मतदारसंघासाठी आपला जाहीरनामा प्रसिद्ध केला. मिशन जॉब्स आणि मिशन एक्झामिनेशन या प्रमुख संकल्पांवर भर देत त्यांनी पुढील सहा वर्षांसाठी ३६ रोजगार मेळावे, ३६ करिअर मार्गदर्शन मेळावे, आणि विद्यार्थी समुपदेशन कार्यक्रमांची घोषणा केली. एमपीएससीतील सुधारणा, ५,००० रुपये बेरोजगारी भत्ता आणि आधुनिक शिक्षण सुविधा पुरवण्याचे आश्वासनही त्यांनी दिले.
पदवीधर मतदारसंघाच्या आगामी निवडणुकीच्या पार्श्वभूमीवर आमदार अभिजीत वंजारी यांनी आपला जाहीरनामा प्रसिद्ध केला आहे. मागच्या सहा वर्षांच्या कामांचा आढावा घेताना त्यांनी पुढील सहा वर्षांसाठी मिशन जॉब्स आणि मिशन एक्झामिनेशन हे प्रमुख संकल्प मांडले. वंजारी यांनी राज्यातील वाढत्या बेरोजगारीवर चिंता व्यक्त करत, विद्यार्थ्यांना आपापल्या जिल्ह्यातच रोजगार मिळावा यासाठी प्रयत्न करण्याचे आश्वासन दिले. याकरिता ३६ रोजगार मेळावे आयोजित केले जातील, असे त्यांनी सांगितले. तसेच, स्पर्धा परीक्षांमधील पारदर्शकतेचा अभाव आणि पेपरफुटीच्या घटनांवरही त्यांनी तीव्र नाराजी व्यक्त केली.
एमपीएससीच्या कारभारात सुधारणा आणण्यासाठी मिशन एक्झामिनेशन अंतर्गत काम करणार असल्याचे त्यांनी स्पष्ट केले. या संदर्भात, तुकाराम मुंडे यांच्या नियुक्तीचे त्यांनी स्वागत केले. शिक्षणाच्या क्षेत्रातही महत्त्वपूर्ण बदल घडवण्यासाठी वंजारी कटिबद्ध आहेत. ३६ करिअर मार्गदर्शन मेळावे, एआय डिस्ट्रिक्ट हबची स्थापना, आणि डॉ. श्रीकांत जिचकार पदवीधर भवन निर्मितीचे आश्वासन त्यांनी दिले. याव्यतिरिक्त, विद्यार्थ्यांसाठी ५,००० रुपये मासिक बेरोजगारी भत्ता आणि स्पर्धा परीक्षांसाठी वन टाइम रजिस्ट्रेशन प्रणाली लागू करण्याची मागणी त्यांनी पुन्हा जोरकसपणे केली. ओबीसी विद्यार्थ्यांच्या वसतिगृहांची दुरवस्था आणि शिक्षक-पदवीधरांच्या विविध समस्यांवरही त्यांनी प्रकाश टाकत, पुढील सहा वर्षांत न्याय मिळवून देण्याचा निर्धार व्यक्त केला
