अक्षय शिंदेच्या एन्काऊंटर स्टोरीत प्रत्यक्षदर्शीच्या दाव्यानं ट्विस्ट, व्हायरल ऑडिओमध्ये नेमका संवाद काय?

बदलापूर प्रकरणातील आरोपी अक्षय शिंदेंचं एन्काऊंटर फेकच होतं, हे सांगत आमदार जितेंद्र आव्हाड यांनी दोन अनोखळी व्यक्तींमधील संवादाची ऑडिओ क्लिप सोशल मीडियावर पोस्ट केली. यासंवादात एन्काऊंटरवेळी एक व्यक्ती आपल्या मेहुण्यासोबत घटनास्थळावरून प्रवास करत असल्याचा दावा करतोय. एन्काऊंटरवेळी नेमकं काय घडलं? पोलीस कुठे थांबले? याबद्दलचा सारा घटनाक्रम या संवादात आहे. कोर्टात पोलिसांनी सांगितलं की, घटनास्थळावर एकूण चार राऊंड फायर झाले. गाडीत आधी अक्षय शिंदेने तीन गोळ्या झाडल्यात. यापैकी दोन पोलीस व्हॅनवर लागल्या. तर एक पोलिसांच्या पायावर मारली तर यालाच उत्तर देत पोलिसांनी एक गोळी अक्षयच्या डोक्यावर मारली. यावर स्थानिक लोक म्हणताय, प्रत्यक्षात घटनास्थळावरून तीनच गोळ्याचे आवाज आले मग चौथी गोळी कुठून आली? हा सवाल कायम आहे. तर आरोपी अक्षय शिंदेने ३ गोळ्या झाडल्या असतील तर इतर गोळ्यांचं काय झालं? असा सवाल कोर्टाने केला आहे.