अजित पवारांच्या विमान अपघाताचे भीषण CCTV फुटेज समोर
बारामती येथे उपमुख्यमंत्री अजित पवार यांच्या विमानाचा भीषण अपघात होऊन त्यांचा दुर्दैवी मृत्यू झाल्याचे सीसीटीव्ही फुटेज समोर आले आहे. सकाळी 8 वाजून 46 मिनिटांनी विमान धावपट्टीजवळच्या दरीमध्ये कोसळले आणि मोठा स्फोट झाला. या दुर्घटनेत एकूण पाच जणांचा मृत्यू झाला असून, घटनेची सखोल चौकशी सुरू आहे.
बारामती येथे उपमुख्यमंत्री अजित पवार यांच्या विमान अपघाताचे सीसीटीव्ही फुटेज आता समोर आले आहे. सकाळी 8 वाजून 46 मिनिटांनी हा भीषण अपघात झाला. जेट विमान काही काळ घिरट्या घालून धावपट्टीजवळील एका दरीसदृश भागात तिरप्या दिशेने खाली कोसळले आणि त्यानंतर मोठा स्फोट झाला. प्रत्यक्षदर्शींच्या माहितीनुसार, सुरुवातीच्या स्फोटानंतरही दोन ते तीन अतिरिक्त स्फोट झाले.
या अपघातामध्ये अजित पवार यांच्यासह व्हीएसआर कंपनीच्या विमानात असलेल्या एकूण पाच जणांचा मृत्यू झाला आहे. त्यांचे पार्थिव बारामती येथील रुग्णालयात ठेवण्यात आले आहे. घटनेची माहिती मिळताच पोलीस आणि अग्निशमन दलाचे जवान घटनास्थळी पोहोचले असून, अपघाताच्या कारणांची सखोल चौकशी सुरू करण्यात आली आहे. या घटनेमुळे संपूर्ण महाराष्ट्रात हळहळ व्यक्त होत आहे.
Published on: Jan 28, 2026 02:09 PM
