राज्याच्या राजकारणात मोठ्या हालाचाली; अमित शाह आणि एकनाथ शिंदे यांच्यात अर्ध तास बैठक, या भेटीत…

गृहमंत्री अमित शाह यांच्या दोन दिवसीय मुंबई दौऱ्यादरम्यान, त्यांनी आज मुख्यमंत्री एकनाथ शिंदे यांची सह्याद्री अतिथीगृहावर भेट घेतली. तब्बल अर्धा तास चाललेल्या या भेटीत अनेक महत्त्वाच्या मुद्द्यांवर चर्चा झाल्याची माहिती आहे. मुख्यमंत्री एकनाथ शिंदे यांनी अमित शाह यांचे मुंबईत पुष्पगुच्छ देऊन स्वागत केले. या बैठकीत राज्याच्या सद्यस्थितीतील घडामोडी, मुख्यमंत्री शिंदे यांचा नुकताच पार पडलेला लंडन दौरा आणि त्यातील फलित यावर सविस्तर चर्चा झाली.

सूत्रांकडून मिळालेल्या माहितीनुसार, मराठा आरक्षणाच्या मुद्द्यावरही दोन्ही नेत्यांमध्ये गांभीर्याने विचारमंथन झाले. या भेटीनंतर, अमित शाह आणि एकनाथ शिंदे यांनी एकाच गाडीतून आपल्या पुढील नियोजित कार्यक्रमासाठी एशियाटिक लायब्ररीच्या दिशेने प्रवास केला. या प्रवासादरम्यानही महाराष्ट्रातील राजकीय घडामोडींवर चर्चा सुरूच होती. ही भेट राज्याच्या राजकारणाच्या दृष्टीने अत्यंत महत्त्वाची मानली जात आहे, आणि आगामी काळात या चर्चेचे काय परिणाम होतात, हे पाहणे महत्त्वाचे ठरणार आहे.