अमृता फडणवीसांकडून मनोज जरांगेंना जेवणाचं आमंत्रण; म्हणाल्या, माझे भाऊ…

मनोज जरांगे पाटील यांच्या उपोषणाचा आज बारावा दिवस असून, मराठा आरक्षणाच्या मागणीसाठी त्यांचे आंदोलन सुरूच आहे. जरांगे पाटील सातत्याने सरकारवर निशाणा साधत आपली भूमिका स्पष्ट करत आहेत. याच पार्श्वभूमीवर, उपमुख्यमंत्री देवेंद्र फडणवीस यांच्या पत्नी अमृता फडणवीस यांनी जरांगे पाटील यांना जेवणासाठी घरी येण्याचे निमंत्रण दिले आहे. अमृता फडणवीस यांनी जरांगे पाटील यांचा उल्लेख “माझे भाऊ” असा करत, त्यांना घरी जेवायला येण्याचे निमंत्रण दिले आहे. त्यांच्या या निमंत्रणामुळे राजकीय वर्तुळात आणि समाजातही चर्चांना उधाण आले आहे.

मराठा आरक्षणाच्या मागणीसाठी सुरू असलेल्या या आंदोलनादरम्यान, ही वैयक्तिक साद लक्षवेधी ठरली आहे. मराठा समाजाला न्याय मिळवून देण्यासाठी जरांगे पाटील यांनी हे उपोषण आरंभले असून, विद्यार्थ्यांच्या आणि तरुणाईच्या हितासाठी ते ठामपणे उभे आहेत.