पुढे निर्णय पवार साहेबांनी घेतला पाहिजे होता! संजय राऊतांची मोठी प्रतिक्रिया

बारामती विधानसभेच्या पोटनिवडणुकीच्या पार्श्वभूमीवर एक महत्त्वाची घडामोड समोर आली आहे. सुनेत्रा पवार या बारामतीतून निवडणूक लढवण्यासाठी सज्ज आहेत. सूत्रांनुसार, जर सुनेत्रा पवार यांनी ही निवडणूक लढवली तर ती बिनविरोध होण्याची शक्यता वर्तवली जात आहे. येत्या सहा महिन्यांच्या कालावधीत, म्हणजेच २८ जानेवारी ते २८ जुलै या दरम्यान ही पोटनिवडणूक होणार आहे.

बारामतीमध्ये मुख्यतः इतर कोणताही प्रमुख विरोधी पक्ष सध्या कार्यरत नाही. यासंदर्भात संजय राऊत यांनी प्रतिक्रिया देताना म्हटले की, याबाबतचा निर्णय खरं म्हणजे मूळ राष्ट्रवादी काँग्रेस पक्षानं घेतला पाहिजे होता. त्यांनी पवार साहेबांच्या भूमिकेवर अप्रत्यक्षपणे भाष्य केले. यापूर्वी लोकसभेला सुप्रिया सुळे यांच्याविरुद्ध सुनेत्रा पवार उभ्या होत्या, तर विधानसभेला अजित पवार यांच्याविरुद्ध युगेंद्र पवार उभे होते. त्यामुळे बारामतीमधील राजकीय लढाई ही प्रामुख्याने पवार कुटुंबातील सदस्यांमध्येच होते. भारतीय जनता पक्ष किंवा शिवसेना यासारख्या पक्षांची भूमिका इथे गौण ठरते.