प्रचारातही धुरंधर… आणि निकालातही फडणवीस ‘धुरंधर’

महाराष्ट्रातील महापालिका निवडणुकांमध्ये भारतीय जनता पक्षाने (भाजप) पुन्हा एकदा आपले वर्चस्व सिद्ध केले आहे, ज्यामुळे ते राज्यामध्ये नंबर वन पक्ष ठरले आहेत. एकूण २९ महापालिकांपैकी २२ ठिकाणी भाजपने सत्ता मिळवली आहे, ज्यात पाच प्रमुख महानगरपालिकांचा समावेश आहे. विशेष म्हणजे, १५ महानगरपालिकांमध्ये भाजपने स्वबळावर बहुमत मिळवले असून सात ठिकाणी महायुतीसह सत्ता स्थापन केली आहे.

हा विजय मुख्यमंत्री देवेंद्र फडणवीस यांच्या धुरंधर नेतृत्वावर शिक्कामोर्तब करणारा ठरला आहे. मुंबईत महायुतीची सत्ता असली तरी भाजप सर्वात मोठा पक्ष ठरला आहे आणि त्यामुळे मुंबईत भाजपचाच महापौर असणार आहे. पुणे, नाशिक, नागपूर आणि छत्रपती संभाजीनगरमध्ये भाजपने एकहाती सत्ता मिळवली आहे. पुणे आणि पिंपरी चिंचवडमध्ये अजित पवारांच्या राष्ट्रवादीला मागे टाकून भाजपने मिळवलेला विजय लक्षणीय ठरला आहे.