पुणे : कोविड सेंटर घोटळयाप्रकरणी भाजप नेते किरीट सोमय्या यांनी आरोप केला असून त्यांनी पुण्यातील शिवाजीनगर पोलिसात संजय राऊत यांचे सहकारी आणि पार्टनर असलेल्या सुजित पाटकर यांच्या विरोधात तक्रार दाखल केली आहे. भाजपचे नेते किरीट सोमय्या यांनी मुंबईत कोविड सेंटर घोटाळा झाल्याचा आरोप केला होता. १४ ऑगस्ट २०२२ रोजी मुंबई पोलिसांना किरीट सोमय्या यांच्या लाईफलाईन हॉस्पिटलविरोधात गुन्हा दाखल केला होता. याप्रकरणाची चौकशी सुरू असून दोन लोकांना ताब्यात घेण्यात आले आहे. तर पुणे महापालिका, पुणे पोलीस आणि पीएमआरडीएने शिवाजीनगर कोविड सेंटरसंदर्भात वेगळा गुन्हा नोंदवावा, अशी मागणीही यावेळी किरीट सोमय्या यांनी केली. ईडीने मुंबई महापालिका आयुक्तांना बोलवून लाईफलाईन हॉस्पिटलची तब्बल तीन तास चौकशी केली होती. परंतु, सरकार आल्यानंतर या सुरू असलेल्या चैकशीला आणखी गती मिळावी, असेही किरीट सोमय्या यांनी म्हटले आहे.