Sambhaji Bhide : त्यांना सल्ले देण्याचा अधिकार अन्… नितेश राणेंकडून संभाजी भिडेंची पाठराखण, दांडियावरील ‘ते’ वादग्रस्त वक्तव्य नेमकं काय?

संभाजी भिडे यांनी पुन्हा एकदा वादग्रस्त विधान केले आहे. नवरात्रीमध्ये दांडिया खेळणे म्हणजे नपुंसकत्व आहे, असे ते म्हणाले. यापूर्वी त्यांनी संविधानावरही वादग्रस्त विधान केले होते. तीन ते चार महिन्यांच्या विश्रांतीनंतर ते पुन्हा एकदा वादग्रस्त विधानांमुळे चर्चेत आले आहेत. त्यांच्या मते, दांडिया खेळणे हा हांडगेपणा आहे. शिवाजी महाराजांनी घेतलेली हिंदवी स्वराज्याची शपथ ही विसकटलेला नवरात्र दुरुस्त करण्याची शपथ होती, असेही ते म्हणाले. त्यांच्या या विधानावर हिंदुत्ववादी संघटना मौन बाळगून आहेत. भाजपचे मंत्री नितेश राणे यांनी यावर बोलण्यास नकार दिला आहे. राणे म्हणाले की, भिडे गुरुजींनी हिंदुत्वासाठी मोठे काम केले आहे. त्यामुळे हिंदुत्वावर कोणतेही सल्ले देण्याचा अधिकार असल्याचे नितेश राणे यांनी म्हटले.