Anjali Damania : ED ला कागदपत्रं देते, सरकारनं….गडकरींसह दोन्ही पुत्रांवर दमानियांचे गंभीर आरोप

सामाजिक कार्यकर्त्या अंजली दमानिया यांनी केंद्रीय मंत्री नितीन गडकरी आणि त्यांच्या दोन्ही मुलांवर गंभीर आरोप केले आहेत. दमानिया यांनी रस्ते आणि टोलच्या संदर्भात गडकरी यांच्या मुलांच्या कंपन्यांवर आर्थिक गैरव्यवहाराचे आरोप केले आहेत. आयडीएल नावाच्या खाजगी कंपनीने गडकरींच्या मुलांच्या कंपन्यांमध्ये पैसे हस्तांतरित केले, असा आरोप आहे. दमानिया यांनी असा दावा केला आहे की, 3200 कोटी रुपयांचे कर्ज असलेल्या बँकांना केवळ 300 कोटी रुपये देऊन सेटलमेंट करण्यात आले. या प्रकरणी निखिल गडकरी आणि सारंग गडकरी यांच्या कंपन्यांचा समावेश असल्याचा आरोप आहे.

दमानिया यांनी ईडी आणि सीबीआय यांसारख्या तपास यंत्रणांवरही टीका केली आहे. भाजपचे केशव उपाध्ये यांनी हे आरोप 2013 पासूनचे असून त्यात तथ्य नसल्याचे म्हटले आहे. तर दुसरीकडे, रोहित पवार आणि सुषमा अंधारे यांनी दमानिया यांच्या आरोपांच्या वेळेवर आणि हेतूवर प्रश्नचिन्ह उपस्थित केले आहे. या आरोपांवर गडकरी यांची प्रतिक्रिया अद्याप समोर आलेली नाही.