Phaltan Doctor Death : ती निर्भीड होती पण… डॉक्टर महिलेच्या कुटुंबीयांची पकंजा मुंडेंनी घेतली भेट, काय दिलं आश्वासन?

भाजप नेत्या पंकजा मुंडे यांनी आत्महत्या केलेल्या एका महिला डॉक्टरच्या कुटुंबीयांची भेट घेऊन त्यांचे सांत्वन केले. डॉक्टरला न्याय मिळेपर्यंत आपण शांत बसणार नाही, असा ठाम निर्धार पंकजा मुंडे यांनी यावेळी व्यक्त केला. या प्रकरणाची वरिष्ठ पातळीवर कसून चौकशी केली जाईल, असे आश्वासन त्यांनी कुटुंबीयांना दिले. या संवेदनशील प्रकरणासंदर्भात आपण लवकरच राज्याच्या मुख्यमंत्र्यांची भेट घेणार असल्याचे पंकजा मुंडे यांनी सांगितले.

पंकजा मुंडे या घटनेविषयी सखोल माहिती घेतल्याचे सांगितले आणि मृत डॉक्टरने तिच्या कामाच्या ठिकाणी होत असलेल्या अन्यायाबाबत वेळोवेळी लेखी तक्रारी केल्या होत्या, असे नमूद केले. ती एक निर्भीड मुलगी होती आणि तरीही तिच्यावर अशी वेळ का आली, याची सखोल आणि जलद चौकशी होणे आवश्यक आहे, असे मत त्यांनी मांडले. पंकजा मुंडे यांनी मुख्यमंत्री देवेंद्र फडणवीस यांचीही भेट घेऊन या प्रकरणाची निपक्षपातीपणे चौकशी व्हावी अशी मागणी करणार असल्याचे स्पष्ट केले. वरिष्ठ अधिकाऱ्यांकडून या प्रकरणाची निष्पक्ष चौकशी व्हावी, अशी त्यांची मागणी आहे, जेणेकरून जबाबदार व्यक्तींना शिक्षा होऊन पीडित कुटुंबीयांना न्याय मिळू शकेल.