Chandrapur News : 99.99 टक्के… तरीही टोकाचं पाऊल, MBBS प्रवेशाच्या दिवशीच संपवलं आयुष्य, चंद्रपुरात नेमकं घडलं काय?

चंद्रपूर येथील 19 वर्षीय अनुराग बोरकर या विद्यार्थ्याने नीट परीक्षेत 99.99% गुण मिळवून सर्वांना आश्चर्यचकित केले होते. या उच्च गुणांमुळे त्याचे सर्वत्र कौतुक झाले होते. परंतु, एमबीबीएस प्रवेश मिळाल्यावर त्याने आत्महत्या करून सर्वांना धक्का दिला. त्याने लिहिलेल्या सुसाईड नोटमध्ये त्याने स्पष्टपणे सांगितले आहे की त्याला वैद्यकीय क्षेत्रात करिअर करण्यात रस नव्हता. त्याला व्यापारात अधिक रस होता. त्याच्या वडिलांचे चंद्रपूर जिल्ह्यातील नवरगाव येथे कृषी केंद्र आहे आणि ते व्यापारी देखील आहेत. अनुराग त्यांच्या व्यवसायात मदत करत होता. पोलीस या प्रकरणाचा तपास करत आहेत. या दुर्दैवी घटनेने चंद्रपूर शहरात शोककळा पसरली आहे.