Bihar Election Results 2025 : काँग्रेस कमजोर, बिहारच्या जनतेनं लाथडलं; बावनकुळेंचा हल्लाबोल, राहुल गांधींच्या नेतृत्वावरही प्रश्नचिन्ह

चंद्रशेखर बावनकुळे यांनी बिहार विधानसभा निवडणुकीतील एनडीएच्या मोठ्या विजयावर भाष्य केले आहे. पंतप्रधान नरेंद्र मोदी आणि मुख्यमंत्री नितीश कुमार यांच्या नेतृत्वाखालील “डबल इंजिन” सरकारने बिहारच्या जनतेचा विश्वास जिंकला असे ते म्हणाले. बावनकुळे यांनी काँग्रेस पक्षावर तीव्र टीका केली. काँग्रेसला विकासाचा कोणताही अजेंडा नसून ते केवळ जात, धर्म आणि पंथाचे राजकारण करत असल्याचा आरोप त्यांनी केला.

बावनकुळे यांच्या मते, बिहारच्या जनतेने काँग्रेसला सपशेल नाकारले आहे आणि त्यामुळे काँग्रेस २०२९ पर्यंत इतिहासातील सर्वात लहान पक्ष बनेल. राहुल गांधींच्या नेतृत्वावरही त्यांनी प्रश्नचिन्ह उपस्थित केले. ईव्हीएम आणि मतदार याद्यांवर वारंवार आरोप करण्याऐवजी काँग्रेसने आत्मचिंतन करावे, असा सल्ला त्यांनी दिला. महाराष्ट्रातही आगामी काळात महायुतीला मोठा विजय मिळेल, असा विश्वास बावनकुळे यांनी व्यक्त केला.