छत्रपती संभाजीनगर : आज आज हनुमान जन्मोत्सव आहे. त्यानिमित्त शिवसेना ठाकरेगटाचे नेते चंद्रकांत खैरे यांनी हनुमानाचं दर्शन घेतलं. हनुमान जन्मोत्सवच्या निमित्ताने संभाजीनगर खुलताबादमधल्या भद्रा मारुती मंदिरात चंद्रकांत खैरे यांच्या हस्ते आरती करण्यात आली. खैरे यांनी दर्शन घेतलं. त्यानंतर त्यांनी माध्यमांशी संवाद साधला. राज्यात जो प्रकार सुरू आहे तो दूर होऊ दे. राज्यात स्थैर्य येऊ दे. उद्धव ठाकरे यांच्या बाजूने सुप्रीम कोर्टाचा निकाल लागू दे. असं साकडं हनुमानाकडे घातलं, असं चंद्रकांत खैरे यांनी म्हटलं आहे.