Chitra Wagh vs Rohit Pawar : लाज आम्हाला नाही, तर…; चित्रा वाघ यांचा रोहित पवारांवर थेट पलटवार

महाराष्ट्राच्या राजकीय वर्तुळात सध्या एमपीएससी विद्यार्थी आंदोलनावरून राष्ट्रवादी काँग्रेसचे आमदार रोहित पवार आणि भाजप नेत्या चित्रा वाघ यांच्यात जोरदार शाब्दिक चकमक सुरू आहे. रोहित पवारांनी चित्रा वाघ यांच्यावर “राजकारणाची लाज वाटली पाहिजे” असा हल्लाबोल केला आहे. आंदोलनात सहभागी मुलींची स्थिती जाणून घेण्यासाठी त्यांना भेट देण्याचे आवाहन पवारांनी केले.

पवारांच्या आरोपांना प्रत्युत्तर देताना चित्रा वाघ यांनी म्हटले की, “लाज आम्हाला नाही, तर विद्यार्थ्यांचा वापर करणाऱ्यांना वाटली पाहिजे.” विद्यार्थ्यांच्या प्रश्नाचे श्रेय अन्य कोणाला मिळाल्याने रोहित पवारांचा इगो दुखावल्याचा आरोपही त्यांनी केला. विद्यार्थी समाधानी असताना पुन्हा आंदोलन कशासाठी, असा सवाल वाघ यांनी उपस्थित केला. मॅनेज झाल्याचे आरोप करून विद्यार्थ्यांना रस्त्यावर उतरवणे आणि आंदोलनात वादग्रस्त व्यक्तींना आणणे हा विद्यार्थ्यांच्या हिताचा अजेंडा नसल्याचेही त्यांनी म्हटले. रोहित पवारांनी केलेले वैयक्तिक आरोप आणि “पोरकट भाषा” वापरल्याने त्यांची राजकीय स्टंटबाजी लपणार नसल्याचे चित्रा वाघ यांनी ठणकावून सांगितले.