CM Fadnavis : जनसामान्यांशी नाळ जोडलेलं नेतृत्व… मुख्यमंत्र्यांकडून शिवाजीराव कर्डिलेंच्या निधनावर शोक व्यक्त

मुख्यमंत्री देवेंद्र फडणवीस यांनी ज्येष्ठ नेते शिवाजीराव कर्डिले यांच्या निधनावर तीव्र शोक व्यक्त केला आहे. कर्डिले हे जनसामान्यांसोबत नाळ जोडलेले एक महत्त्वाचे नेतृत्व होते, असे मुख्यमंत्र्यांनी नमूद केले. त्यांच्या निधनामुळे महाराष्ट्राच्या राजकीय आणि सामाजिक क्षेत्रात मोठी पोकळी निर्माण झाली आहे.

देवेंद्र फडणवीस यांनी आपल्या शोकसंदेशात म्हटले की, शिवाजीराव कर्डिले यांच्या निधनाने कर्डिले आणि जगताप कुटुंबांवर दुःखाचा डोंगर कोसळला आहे. या कठीण प्रसंगात आपण आणि आपले सरकार कर्डिले कुटुंबाच्या दुःखात सहभागी आहोत. त्यांच्या निधनाने महाराष्ट्राने एक लोकप्रिय आणि तळमळीचा नेता गमावला आहे, असेही मुख्यमंत्री म्हणाले. त्यांच्या आत्म्याला शांती लाभो अशी प्रार्थना फडणवीस यांनी केली.