Eknath Shinde : मुख्यमंत्री एकनाथ शिंदे यांनी घेतली शिवरायांची शपथ अन् मराठ्यांना शब्द, कुणाचंही काढून न घेता…

मुंबई, २५ ऑक्टोबर २०२३ | गेल्या काही दिवसांपासून राज्यात मराठा आरक्षणाचा मुद्दा चांगलाच तापत आहेत. राज्य सरकारने मराठा आरक्षण द्यावं म्हणून मनोज जरांगे पाटील यांनी सरकारला ४० दिवसांचा अल्टिमेटम दिला होता. मनोज जरांगे यांनी दिलेली ही मुदत कालच संपली आहे. दरम्यान, दसरा मेळाव्यात काल मुख्यमंत्री एकनाथ शिंदे यांनी जाहीर सभेत मराठा आरक्षणावर भाष्य केले. यावेळी त्यांनी मंचावर असलेल्या शिवरायांच्या पुतळ्यासमोर नतमस्तक झाले आणि शिवरायांची शपथ घेऊन मराठा समाजाला आरक्षण देणार असल्याचा शब्द मराठा समाजाला दिला. यावेळी मुख्यमंत्री म्हणाले, ‘कुणावरही अन्याय न करता आणि कुणाचं आरक्षण काढून न घेता मराठा समाजाला टिकणारं आरक्षण हे सरकार देणार म्हणजे देणार. एकनाथ शिंदे असेपर्यंत इतर कुणावरही अन्याय न करता मराठा समाजासाठी लढणार.’