Phaltan Doctor Death : आधी क्लीनचीट आता फडणवीस अन् निंबाळकर एकाच हॉटेलमध्ये…. नेमकी काय झाली चर्चा?

पुण्यात एका कार्यक्रमासाठी मुख्यमंत्री देवेंद्र फडणवीस आणि रणजीत निंबाळकर एकाच हॉटेलमध्ये उपस्थित होते. फडणवीस बजाज ग्रँड टूरच्या उद्घाटनासाठी आले होते, तर निंबाळकरही तिथे उपस्थित होते. मात्र, दोघांमध्ये कोणतीही चर्चा झाली नाही अशी माहिती समोर आली आहे. मागील काही दिवसांपासून रणजीत निंबाळकर यांच्यावर सुषमा अंधारे यांनी गंभीर स्वरूपाचे आरोप केले आहेत. विशेषतः फलटणमधील डॉ. संपदा मुंडे यांच्या आत्महत्या प्रकरणाशी संबंधित हे आरोप आहेत.

यापूर्वी, फलटणमधील एका सभेत देवेंद्र फडणवीस यांनी निंबाळकर यांना आरोपांबाबत क्लीन चिट दिली होती. आता सुषमा अंधारे यांनी पत्रकार परिषद घेऊन केलेले नवीन आरोप आणि त्यावर रणजीत निंबाळकर कधी उत्तर देणार, हे पाहणे महत्त्वाचे ठरेल. सूत्रांनुसार, निंबाळकर लवकरच या आरोपांना प्रत्युत्तर देतील अशी अपेक्षा आहे.