Ladki Bahin Yojana : ‘दोन बायका असतील तर…’, ‘लाडकी बहीण’वर हसन मुश्रीफ असं काय म्हणाले की, उपस्थितांना हसू अवरेना

राज्य सरकारकडून दर महिन्याला लाडक्या बहिणींच्या बँक खात्यात प्रत्येकी 1500 रुपये जमा होणार आहेत. असातच कोल्हापुरात हसन मुश्रीफ यांनी या योजनेसंदर्भात वक्तव्य केले आहे. कोल्हापुरात आज अजित पवार गटाचा मेळावा पार पडला. यावेळी हसन मुश्रीफ यांनी मुख्यमंत्री लाडकी बहीण योजनेवर भाष्य केलं. दरम्यान, लाडकी बहीण योजनेवर केलेल्या वक्तव्यानंतर उपस्थितांमध्ये एकच हशा पिकला. दोन बायका असतील तर नेमक काय करायचे असा सवाल काही लोक विचारात आहेत, पण त्यांनी आवडत्या बायकोला या योजनांचा फायदा मिळवून द्यावा, असं वक्तव्य हसन मुश्रीफ यांनी केलं. ‘काही ठिकाणी महिला मला प्रश्न करतात, जर एका पुरूषाला दोन बायका असतील त्यांनी काय करायचं… मी म्हटलं जी लाडकी असेल नवरोबाला तिला या योजनेचा लाभ देऊन टाका…’, असं हसन मुश्रीफ म्हणाले. बघा व्हिडीओ नेमकं काय म्हणाले मुश्रीफ?