Rahul Gandhi Threat : राहुल गांधींच्या छातीत गोळी घालू… कोणी दिली टीव्हीवरील चर्चेदरम्यान LIVE धमकी?

काँग्रेस नेते राहुल गांधी यांना जीवे मारण्याची धमकी मिळाल्याची अत्यंत महत्त्वाची बातमी समोर आली आहे. केरळमधील भारतीय जनता पक्षाचे (भाजप) प्रवक्ते पिंटू महादेवन यांनी ही धमकी दिली आहे. एका टीव्हीवरील लाईव्ह चर्चेदरम्यान पिंटू महादेवन यांनी राहुल गांधींच्या छातीत गोळी घालू असे धक्कादायक आणि आक्षेपार्ह विधान केले. त्यांच्या या विधानामुळे राजकीय वर्तुळात मोठी खळबळ उडाली आहे. या धमकीनंतर काँग्रेस पक्षाने तातडीने केंद्रीय गृहमंत्री अमित शहा यांना पत्र लिहिले आहे. या पत्राद्वारे काँग्रेसने राहुल गांधींच्या सुरक्षेबाबत गंभीर चिंता व्यक्त केली आहे. तसेच, केरळमधील भाजप प्रवक्ते पिंटू महादेवन यांच्यावर तात्काळ आणि कठोर कारवाई करण्याची मागणी काँग्रेसने केली आहे. लाईव्ह टेलिव्हिजनवर अशा प्रकारची धमकी देणे हा लोकशाही परंपरेचा अवमान असल्याचे काँग्रेसने म्हटले आहे.