Naresh Mhaske Video : ‘…गरज काय? औरंगजेबाची कबर नष्ट करा’, शिवसेनेच्या खासदाराची लोकसभेत मोठी मागणी

गेल्या काही दिवसांपासून राजकीय वर्तुळात औरंगजेबाच्या कबरीवरून आरोप-प्रत्यारोप होताना दिसताय. अशातच एकनाथ शिंदे यांच्या शिवसेनेचे खासदार नरेश म्हस्के यांनी लोकसभेत मोठी मागणी केली आहे. ‘औरंगजेबाची कबर नष्ट करा’, अशी मागणी नरेश म्हस्के यांनी लोकसभेत केल्याचे पाहायला मिळत आहे. इतकंच नाहीतर औरंगजेबाची कबर संरक्षित कऱण्याची गरज काय? असा संतापजनक सवाल देखील नरेश म्हस्के यांनी यावेळी केलाय. दरम्यान, औरंगजेबाने क्रूरपणे छत्रपती संभाजी महारांजाची हत्या केली, असं वक्तव्य देखील नरेश म्हस्के यांनी केलंय. ‘महाराष्ट्र राज्य हे विकसित राज्य आहे. तशी त्याची कायम ओळख राहिली आहे. पण ती ओळख पाच ते दहा लोकांनी पुसून टाकली आहे.’, असं ठाकरे गटाचे नेते संजय राऊत यांनी म्हटलं आहे तर याच काही लोकांनी पूर्णपणे महाराष्ट्र राज्याला विद्रूप केलं आहे. हे अत्यंत दुखःद आहे, असंही संजय राऊतांनी म्हटलं आहे.