फडणवीस, शिंदे आणि सुनेत्रा पवार उद्या दिल्ली दौऱ्यावर; मोठं कारण समोर

महाराष्ट्राचे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे, सुनेत्रा पवार हे उद्या दिल्ली दौऱ्यावर जाणार आहेत. सूत्रांनी दिलेल्या माहितीनुसार, या दौऱ्यात ते राष्ट्रपती द्रौपदी मुर्मू यांची भेट घेणार आहेत. नाशिकमध्ये लवकरच सुरू होणाऱ्या सिंहस्थ कुंभमेळ्यासाठी राष्ट्रपतींना निमंत्रण देणे हा या भेटीचा मुख्य उद्देश आहे. नाशिकमध्ये आगामी कुंभमेळ्याची तयारी सध्या वेगाने सुरू आहे. या पार्श्वभूमीवर, देशातील महत्त्वाच्या नेत्यांना कुंभमेळ्यासाठी आमंत्रित करण्यात येत आहे. त्याचाच भाग म्हणून हे तीनही प्रमुख नेते उद्या राजधानी नवी दिल्लीत दाखल होतील. ते राष्ट्रपती द्रौपदी मुर्मू यांची भेट घेऊन त्यांना नाशिकमधील ऐतिहासिक कुंभमेळ्यात सहभागी होण्याचे औपचारिक निमंत्रण देतील. ही भेट अत्यंत महत्त्वाची मानली जात आहे.