Devendra Fadnavis : लाडक्या बहिणींना लखपती दिदी बनवणार, देवेंद्र फडणवीसांची मोठी घोषणा!

परभणी येथे आयोजित एका कार्यक्रमात मुख्यमंत्री देवेंद्र फडणवीस यांनी लखपती दीदी योजनेबाबत महत्वपूर्ण घोषणा केली. या योजनेला भाजपने बहुमत मिळाल्यानंतरही बंद केले नाही आणि जोपर्यंत आपण मुख्यमंत्री पदावर आहोत, तोपर्यंत ही योजना बंद होणार नाही, असे फडणवीस यांनी ठामपणे सांगितले. महाराष्ट्रात आतापर्यंत ५० लाख महिला ‘लखपती दीदी’ झाल्या आहेत, तर परभणी जिल्ह्यात एकट्या मेघना दीदींनी १ लाख महिलांना या योजनेचा लाभ मिळवून दिला आहे. यावर्षी देशभरात १ कोटी महिलांना ‘लखपती दीदी’ बनवण्याचे उद्दिष्ट असल्याचे त्यांनी नमूद केले.

फडणवीस यांनी परभणीच्या विकासावरही भर दिला. परभणीच्या विकासाच्या आड येणाऱ्यांना नेस्तनाबूत करण्याची ग्वाही त्यांनी दिली. जुना इतिहास विसरून भविष्यावर लक्ष केंद्रित करण्याचे आवाहन करत, परभणीला पालकमंत्री म्हणून मेघना दीदी मिळाल्याचे त्यांनी सांगितले. भाजपचा झेंडा परभणीत लावण्याचे आणि कमळाला १५ तारखेला साथ देण्याचे आवाहन करत, त्यानंतर पाच वर्षांसाठी ‘देवाभाऊ’ तुमची काळजी घेईल, असा विश्वास त्यांनी उपस्थितांना दिला.