Pune Diwali 2025 : सारसबागेतील लक्ष्मीमातेला तब्बल 16 किलो सोन्याची साडी, व्हिडीओ बघून तुम्हीही म्हणाल…

देशभरात दिवाळी सणाचा उत्साह, नावीन्य आणि चैतन्यपूर्ण वातावरण पाहायला मिळत आहे. या उत्साहात पुण्यातील सारसबागेजवळ असलेल्या लक्ष्मी मंदिरात महालक्ष्मी देवीला विशेष साज चढवण्यात आला आहे. दिवाळी २०२५ निमित्त देवीला तब्बल १६ किलो सोन्याची साडी परिधान करण्यात आली आहे. अलंकारात गुंफण असलेली ही सोन्याची साडी महालक्ष्मी मातेला अधिक विलोभनीय बनवत आहे. देवीच्या या अद्भुत रूपाचे दर्शन घेण्यासाठी आणि लक्ष्मी पूजनाच्या विशेष मुहूर्तावर देवीच्या चरणी लीन होण्यासाठी सकाळपासूनच पुणेकर भाविकांनी सारसबागेतील मंदिरात मोठी गर्दी केली आहे.

दिवाळीतील लक्ष्मी पूजनाला विशेष महत्त्व असून, धन, समृद्धी, नावीन्य, उत्साह आणि चैतन्य लाभावे या इच्छेने भाविक मोठ्या संख्येने उपस्थित आहेत. वर्षभरातून दसरा, दिवाळी आणि लक्ष्मी पूजनाच्या दिवशी या देवीला सोन्याची साडी परिधान केली जाते. सध्या सारसबागेमधील या मंदिरात नागरिकांनी दर्शनासाठी केलेल्या गर्दीमुळे उत्साहाचे आणि चैतन्याचे वातावरण निर्माण झाले आहे.