Kolhapur Municipal Election : खासदाराच्या पुत्राची 24 तासांत माघार, पक्षाच्या आदेशानंतर उमेदवारी अर्ज घेतला मागे

भाजप खासदार धनंजय महाडिक यांचे पुत्र कृष्णराज महाडिक यांनी कोल्हापूर महापालिका निवडणुकीतून माघार घेतली आहे. प्रभाग क्रमांक 3 मधून दाखल केलेला उमेदवारी अर्ज त्यांनी अवघ्या 24 तासांच्या आत मागे घेतला. पक्षाच्या आदेशामुळे आपण हा निर्णय घेतल्याचे कृष्णराज महाडिक यांनी स्पष्ट केले. भारतीय जनता पक्ष हा शिस्तबद्ध पक्ष असून, पक्षीय पातळीवर झालेल्या निर्णयाचा आदर राखत निवडणूक लढवणार नसल्याचे त्यांनी जाहीर केले. महायुती एकत्र निवडणूक लढवणार असल्याने इच्छुक कार्यकर्त्यांची संख्या मोठी आहे. अशा परिस्थितीत पक्षीय निर्णयाला प्राधान्य देत, आपल्या नावाला निवडणुकीसाठी विचार झाला याचा त्यांना समाधान असल्याचेही त्यांनी नमूद केले.