Dhananjay Munde : …तर माझ्यासह जरांगेंची नार्को टेस्ट अन् ब्रेन मॅपिंग करा, धनंजय मुंडे भर पत्रकार परिषदेत भडकले

मनोज जरांगे यांना धमकी दिल्याप्रकरणी आपली बदनामी होत असल्याचा दावा करत, धनंजय मुंडे यांनी या संपूर्ण प्रकरणाची सीबीआय चौकशी करण्याची मागणी केली आहे. मुंडे यांनी स्वतःची, मनोज जरांगे यांची आणि या प्रकरणात पकडलेल्या आरोपींची ब्रेन मॅपिंग व नार्को टेस्ट करण्याची तयारी दर्शवली आहे. यासाठी न्यायालयाची परवानगी आवश्यक असल्यास, ती मिळवण्यासाठी स्वतः वकील लावून प्रयत्न करण्याचे आश्वासनही त्यांनी दिले. सत्य काय आहे हे जनतेसमोर यावे, अशी त्यांची भूमिका आहे.

मुंडे यांनी मुख्यमंत्र्यांपासून इतर नेत्यांविरोधात वापरल्या जाणाऱ्या अपशब्द, विशेषतः महिला नेत्यांविरोधात होणारी टीका यावरही तीव्र आक्षेप घेतला. मराठा समाजाला आरक्षण मिळाले पाहिजे, पण ते ओबीसी आरक्षणाला धक्का न लावता मिळावे, ही आपली भूमिका असल्याचे त्यांनी पुन्हा एकदा अधोरेखित केले. सध्याच्या तंत्रज्ञानाच्या युगात काहीही तयार करता येते, त्यामुळे सत्य समोर येणे आवश्यक असल्याचे मुंडे यांनी म्हटले.