E20 पेट्रोलबाबत मोठी अपडेट समोर! केंद्र सरकार महत्त्वाचा निर्णय घेण्याच्या तयारीत, अखेर…

E20 पेट्रोलमुळे जुन्या वाहनांच्या मायलेजमध्ये घट होत असल्याच्या तक्रारींनंतर केंद्र सरकार महत्त्वाचा निर्णय घेण्याच्या तयारीत आहे. लवकरच वाहनधारकांना E20 सोबत E10 पेट्रोलचाही पर्याय उपलब्ध होण्याची शक्यता वर्तवण्यात येत आहे. या संदर्भात केंद्र सरकार आणि देशातील ऑईल कंपन्यांमध्ये सध्या गांभीर्यपूर्वक चर्चा सुरू आहे. E20 पेट्रोलमध्ये इथेनॉलचे प्रमाण 20 टक्के असते, तर E10 पेट्रोलमध्ये हे प्रमाण 10 टक्के असते. अनेक वाहनधारकांनी E20 वापरल्यानंतर आपल्या गाड्यांच्या मायलेजमध्ये लक्षणीय घट झाल्याचे अनुभव सांगितले होते. या तक्रारींची दखल घेत, मुख्य आर्थिक सल्लागार वी अनंत नागेश्वरन यांनी E10 पेट्रोल पुन्हा उपलब्ध करून देण्याची शिफारस केली होती.

सरकारची भूमिका वाहनधारकांना अधिक चांगले पर्याय उपलब्ध करून देण्याची आहे. E10 पेट्रोल पुन्हा बाजारात आल्यास, विशेषतः जुन्या वाहनांचे मालक, ज्यांना E20 मुळे समस्या येत होत्या, त्यांना दिलासा मिळेल. हा निर्णय देशभरातील लाखो वाहनधारकांसाठी महत्त्वाचा ठरणार आहे, कारण यामुळे त्यांना त्यांच्या वाहनाच्या गरजेनुसार पेट्रोल निवडण्याचा अधिकार मिळेल.