संजय जाधवांच्या पक्ष प्रवेशाबबात पुन्हा शिंदेंचं सुचक वक्तव्य, म्हणाले…

उपमुख्यमंत्री एकनाथ शिंदे यांनी परभणी येथे बंडू जाधव यांच्या उपस्थितीत आयोजित मेळाव्यात परभणी जिल्ह्याच्या सर्वांगीण विकासाची ग्वाही दिली. बंडू जाधव यांनी बाळासाहेबांच्या विचारांच्या शिवसेनेमध्ये प्रवेश केल्याचे स्वागत करत शिंदे यांनी त्यांचा निर्णय परभणीकर जनतेसाठी योग्य असल्याचे म्हटले. केवळ वैयक्तिक स्वार्थासाठी नव्हे, तर परभणीकरांच्या भल्यासाठीच हा निर्णय घेतल्याचे उपमुख्यमंत्री शिंदे यांनी स्पष्ट केले.

शिंदे यांनी सांगितले की, परभणीच्या विकासासाठी केंद्र सरकार आणि राज्य सरकार दोघेही कटिबद्ध आहेत. पंतप्रधान आणि गृहमंत्र्यांशी झालेल्या चर्चेतून विकासासाठी निधीची कमतरता भासणार नाही, अशी ग्वाही त्यांनी दिली. “डबल इंजिन” सरकारमुळे विकासाला गती मिळेल आणि शेतकरी, कष्टकरी, महिला आणि युवकांसाठी अनेक योजना राबवल्या जातील, असे आश्वासन त्यांनी दिले. शेतीसाठी सिंचनाच्या सोयी, बेरोजगारांना काम मिळण्यासाठी नवीन एमआयडीसीची निर्मिती आणि महिलांना आर्थिकदृष्ट्या सक्षम करण्यावर भर दिला जाईल, असे उपमुख्यमंत्री शिंदे यांनी आपल्या भाषणात अधोरेखित केले.