Eknath Shinde : शिंदे बाळाराजे पाटलांची ‘ती’ जुनी फाईल पुन्हा बाहेर काढणार? पंडित देशमुख हत्या प्रकरण चर्चेत

उपमुख्यमंत्री एकनाथ शिंदे यांनी भाजप नेते राजन पाटील यांचे पुत्र बाळाराजे पाटील यांच्या जुन्या प्रकरणाची फाईल पुन्हा बाहेर काढण्याचा इशारा दिला आहे. मोहोळमधील एका प्रचार सभेत शिंदे यांनी २००५ सालच्या पंडित देशमुख हत्या प्रकरणाचा मुद्दा उपस्थित केला. शिवसैनिक पंडित देशमुख यांच्या मारेकऱ्याला शिक्षा झालीच पाहिजे, असे शिंदे म्हणाले.

उमेश पाटील यांनी आरोप केला आहे की, बाळाराजे पाटलांनी पंडित देशमुख यांचा खून केला होता आणि त्यांना १८ महिने तुरुंगात राहावे लागले होते. ५ एप्रिल २००५ रोजी शिवसेनेचे मोहोळ तालुका उपप्रमुख पंडित देशमुख यांची अपहरण करून धारदार शस्त्रांनी हत्या करण्यात आली होती. या प्रकरणी बाळाराजे पाटील यांच्यासह ७ जणांविरुद्ध हत्येचा गुन्हा दाखल होता. १८ महिन्यांनंतर बाळाराजे पाटलांसह १३ आरोपींना निर्दोष सोडण्यात आले होते, कारण साक्षीदार फुटले होते. अनगर नगरपंचायतीच्या निवडणुकीनंतर बाळाराजे पाटलांनी अजित पवारांना आव्हान दिल्यानंतर शिंदे गटाने ही जुनी फाईल पुन्हा उघडण्याचा इशारा दिला आहे.