Esha Deol On Dharmendra : धर्मेंद्र यांच्या निधनाच्या अफवा, मुलीनं सांगितलं सध्या कशी प्रकृती?

बॉलिवूडचे ज्येष्ठ अभिनेते धर्मेंद्र यांच्या प्रकृतीबाबत त्यांची मुलगी ईशा देओलने इन्स्टाग्रामवर एक महत्त्वाची पोस्ट शेअर केली आहे. ईशा देओलने या पोस्टमध्ये म्हटले आहे की, “माझ्या वडिलांची प्रकृती स्थिर आहे आणि त्यांच्यात सुधारणा होत आहे.” या अधिकृत माहितीमुळे धर्मेंद्र यांच्या निधनाबद्दल पसरलेल्या अफवांना पूर्णविराम मिळाला आहे.

कुटुंबीयांनी हे अधिकृत विधान जारी केले असून, कोणत्याही अफवांवर विश्वास न ठेवण्याचे आवाहन ईशा देओलने केले आहे. गेल्या काही दिवसांपासून धर्मेंद्र यांच्या प्रकृतीबाबत विविध चर्चा सुरू होत्या. कालपासून ब्रीच कँडी रुग्णालयात अनेक सेलिब्रिटींनी धर्मेंद्र यांची भेट घेतली आहे, ज्यात शाहरुख खान आणि गोविंदा यांचा समावेश आहे. ईशा देओलच्या या पोस्टमुळे त्यांच्या चाहत्यांना मोठा दिलासा मिळाला आहे. सध्या धर्मेंद्र यांची प्रकृती स्थिर असून, त्यांच्यावर उपचार सुरू आहेत.