Maharashtra Election 2026 : एक मत द्यायला 5 वेळा बटण दाबलं… पुण्यात EVM चा घोळ, मतदारानं घडलं काय सांगितलं?

पुणे महानगरपालिका निवडणुकीदरम्यान मतदान प्रक्रिया सुरू असताना ईव्हीएममधील तांत्रिक अडचणी समोर आल्या आहेत. एका मतदाराने तक्रार केली की, ईव्हीएमवर बटण दाबल्यानंतर लाईट लागत नाहीये. या मतदाराने सुरुवातीला तीन वेळा बटण दाबले, परंतु लाईट लागली नाही. पाचव्यांदा अधिक जोर लावून बटण दाबल्यावरच लाईट लागली आणि मतदान नोंदवले गेले. ही घटना पुण्यात घडली आहे. याचदरम्यान, पुण्यातील प्रभाग क्रमांक २६ मधील ईव्हीएम मशीन बंद पडल्याची माहिती मिळाली आहे. यामुळे या केंद्रावर मतदान प्रक्रिया ठप्प झाली आहे. सकाळी साडेसात वाजल्यापासून मतदानासाठी रांगा लागल्या असल्या तरी, ईव्हीएममधील बिघाडामुळे मतदार आपला मतदानाचा हक्क बजावू शकले नाहीत. प्रभाग क्रमांक २४ मध्येही याच कारणामुळे गोंधळ कायम असून, मतदारांना मोठ्या प्रतीक्षेत राहावे लागत आहे. एक तासाहून अधिक काळ उलटूनही प्रभाग २६ आणि २४ मधील समस्या सुटलेली नाही.