Ganesh Chaturthi 2023 | मुंबईच्या बाप्पांचे दर्शन घेणार आहात? ‘असे’ कपडे घालून गेले तर… No Entry

मुंबई, १७ सप्टेंबर २०२३ | लाडक्या बाप्पाच्या आगमनासाठी अवघे काही तासच शिल्लक राहिले आहेत. राज्यभरात गणेशभक्त आपल्या बाप्पाच्या तयारीसाठी एकच लगबग करताना दिसत आहेत. अशातच सार्वजनिक गणेश मंडळांनीही गणेश भक्तांच्या सुरक्षेची जबाबदारी घेतल्याचे पाहायला मिळत आहे. कोणताही गैरप्रकार घडू नये यासाठी ही खबरदारी घेतली जात आहे. त्यासाठी काही नियमावलीही तयार केली आहे. अंधेरीचा राजा मंडळानेही ड्रेस कोडबाबतचा एक नियम जारी केला आहे. या नियमानुसार, यंदा हाफ पँट आणि शॉर्ट स्कर्ट परिधान करून येणाऱ्या भाविकांना अंधेरीच्या राजाचे दर्शन घेता येणार नाही. ड्रेसकोडसाठी मंडपाच्या बाहेर आणि आत एक फलक लावण्यात आला आहे, ज्यावर कोणत्या प्रकारच्या ड्रेसला परवानगी आहे आणि कोणत्या प्रकारच्या ड्रेसला परवानगी नाही याचे बॅनरही लावण्यात आल्याचे पाहायला मिळत आहेत.