Pankaja Munde PA Wife Death : अनंत गर्जेच्या जुन्या प्रेयसीचा जबाबानं खळबळ, ‘ती’ गर्भपाताची फाईल नेमकी कोणाची? 2022 पासून काय संबंध?

गौरी पालवे आत्महत्या प्रकरणात तपास वेगाने सुरू असून, वरळी पोलिसांनी एफआयआरमध्ये नमूद अनंत गर्जेच्या जुन्या प्रेयसीचा जबाब नोंदवला आहे. या महिलेने 2022 पासून अनंतसोबत कोणताही संबंध नसल्याचे म्हटले आहे. गौरीच्या घरी सापडलेल्या गर्भपाताशी संबंधित कागदपत्रांबद्दल आपल्याला कल्पना नसल्याचेही तिने स्पष्ट केले. या प्रकरणात अनंत गर्जेच्या शरीरावर 28 जखमा आढळल्या असून, त्यापैकी काही ताज्या स्वरूपाच्या आहेत.

गौरी पालवे आणि अनंत गर्जे यांच्यात झटापट झाल्याचे पोलिसांचे म्हणणे आहे. गौरीच्या मृत्यूची बातमी कळताच अनंतने स्वतःला इजा पोहोचवण्याचा प्रयत्न केला, ज्यात भिंतीवर डोके आपटण्याचाही समावेश होता. या घटनेचे सीसीटीव्ही फुटेज पोलिसांच्या ताब्यात आहे. अनंतने खिडकीतून घरात प्रवेश केल्याचा दावा केला होता. या दाव्याची सत्यता पडताळण्यासाठी ज्या व्यक्तीने खिडकीला जाळ्या बसवल्या होत्या, त्या व्यक्तीकडून प्रात्यक्षिक करून घेण्यात आले आहे. पुढील तपासामध्ये अनंतची पॉलीग्राफ आणि मानसशास्त्रीय चाचणी केली जाणार आहे. पोलीस या प्रकरणात आणखी खुलासे होण्याची अपेक्षा करत आहेत.