Manoj Jarange Patil : जरांगे मोठा नाही, त्याचे लाड बंद करा अन् त्याला… सदावर्तेंच्या विधानाने खळबळ, पवारांवरही साधला निशाणा

मराठा आरक्षणासाठी मुंबईतील आझाद मैदानावर सुरू असलेल्या आंदोलनाची आज वाढून दिलेली मुदत संपणार आहे. अशातच आज निवृत्त न्यायमूर्ती संदीप शिंदे यांनी जरांगे पाटलांची भेट घेतली. यावेळी जरांगेंनी आंदोलकांवरील गुन्हे मागे घेण्याची विनंती केली. इतकंच नाहीतर मराठा आणि कुणबी एक असल्याचे घोषित करा, अशी मागणी केली. यासंदर्भात वकील गुणरत्न सदावर्ते यांनी आपली प्रतिक्रिया दिली आहे. मनोज जरांगे पाटील यांचं आंदोलन आणि त्यांच्या मागण्यांवर बोलताना सदावर्ते यांनी थेट त्यांच्या अटकेची मागणी केली.

‘कायद्यासमोर जरांगेला मोठं समजू नये. आज संध्याकाळी 6 वाजेपर्यंत जरांगे ऐकला नाही तर चुकीची प्रथा पडेल. नियम मोडले जातील. यामुळे आगामी काळातील आंदोलनांमध्येही नियम मोडण्याची प्रथा पडेल. हे कायद्याचं राज्य आहे. मुख्यमंत्री, उपमुख्यमंत्री काय म्हणातात यापेक्षा कायदा काय म्हणतो हे पाहून, वरिष्ठ पोलिस निरिक्षण आझाद मैदान यांनी सहा वाजल्यानंतर जरांगेला अटक करून, माननीय मॅजिस्टेट यांच्यासमोर उभे करा’, असं सदावर्ते म्हणाले. तर यावेळी बोलत असताना शरद पवार यांच्यावरही निशाणा साधला. शरद पवार हे आरक्षणावरून फसवा-फसवी करत असल्याचे सदावर्ते म्हणाले.