रायगड जिल्ह्यातील 14 तालुक्यांत ‘या’ दवाखान्यांमधून होणार मोफत उपचार

अलिबाग : नागरिकांना आरोग्याच्या मूलभूत सुविधा (Health facilities) उपलब्ध व्हाव्यात, यासाठी शिंदे-फडणवीस सरकारने हिंदुहृदयसम्राट “बाळासाहेब ठाकरे आपला दवाखाना योजना (Hindu heart emperor Balasaheb Thackeray apala dawakhana scheme) सुरू केली आहे. त्यानुसार पहिल्या टप्प्यात रायगड जिल्ह्यातील 14 तालुक्यांमध्ये आपला दवाखाना योजना सुरू केली जात आहे. ही योजना महाराष्ट्र दिनापासून (Maharashtra Day) सुरु करण्यात येणार आहेत. या दवाखान्यांचे लोकार्पण मुख्यमंत्री एकनाथ शिंदे (Eknath Shinde) यांच्या हस्ते होणार आहे. हिंदूहृदयसम्राट बाळासाहेब ठाकरे आपला दवाखान्यात बाह्य रुग्णसेवा, मोफत औषधोपचार, मोफत प्रयोग शाळा तपासणी, टेलीकन्सलटेशन, गर्भवती मातांची तपासणी, लसीकरण या सेवा देण्यात येणार आहेत.