Hingoli : शेतकऱ्यानं आक्रमक होत रस्त्यावरच उधळले पैसे! सरकारी मदत तुटपुंजी म्हणत केली एकच मागणी

हिंगोली जिल्ह्यामध्ये शेतकऱ्यांनी सरकारविरोधात तीव्र घोषणाबाजी करत अभिनव आंदोलन केले आहे. गोरेगाव अप्पर तहसील कार्यालय परिसरामध्ये क्रांतिकारी शेतकरी संघटनेच्या कार्यकर्त्यांनी हे आंदोलन केले. शेतकऱ्यांनी सरकारकडून मिळालेली मदत तुटपुंजी असल्याचे सांगत, पैशांची उधळण करून आपला संताप व्यक्त केला. या आंदोलनादरम्यान शेतकऱ्यांनी शेतकऱ्यांची संपूर्ण कर्जमुक्ती झालीच पाहिजे अशी जोरदार मागणी केली.

हिंगोली आणि शेणगाव तालुक्यातील शेतकऱ्यांनी ‘दिलेली मदत वापस घ्या’ अशी घोषणा देत, सरकारच्या मदतीचा स्वीकार करण्यास नकार दर्शवला. नैसर्गिक आपत्तीमुळे शेतातील माती वाहून गेल्याने झालेल्या नुकसानीचा उल्लेख करत, त्यांनी सरकारकडून मिळालेली मदत आपल्या तोंडावर फेकल्यासारखे असल्याचे म्हटले. या कृतीने त्यांनी सरकारच्या अपुऱ्या मदतीवर आणि त्यांच्या समस्यांकडे दुर्लक्ष केल्याबद्दल तीव्र नाराजी व्यक्त केली.