महाराष्ट्रातील कोरोना रुग्णसंख्या सातत्याने वाढताना दिसत आहे. वाढत्या कोरोनाच्या रुग्णसंख्यनेमुळे महापालिका प्रशासन अलर्ट मोडवर आले आहे. तसेच महाराष्ट्र सरकार देखील कोरोना आटोक्यात आणण्यासाठी प्रयत्न करत आहे. त्यामध्येच आता स्वत: शरद पवार मैदानात उतरले आहेत. पुणे शहरात कोरोनाची रुग्णसंख्या 100 वरून 1800 वर पोहचली आहे. मात्र रुग्णसंख्या वाढत असली तरी नागरिक आद्यपाही बेफिकिरीने वागताना दिसून येत आहेत. ओमिक्रॉन व कोरोनाच्या वाढत्या रुग्णसंख्येमुळे शहारातील कोरोनाचे निर्बंधही कडक करण्यात आले आहेत. रुग्णसंख्येची स्थिती लक्षात घेता , गरज भासल्यास कोणत्याही क्षणी शहरातील जम्बो कोविड सेंटर सुरु करण्याची तयारी महापालिकेने दर्शवली आहे.