सर्वोच्च न्यायालयाच्या दिशेने इंडिया आघाडीचा मोर्चा; पोलिसांची परवानगी नाकारली, तरी राहुल गांधींसह अनेक नेते सहभागी

इंडिया आघाडीच्या वतीने आज सर्वोच्च न्यायालयावर मोर्चा काढण्यात आला, मात्र पोलिसांकडून या मोर्चाला परवानगी नाकारण्यात आली. यानंतरही राहुल गांधी, मल्लिकार्जुन खरगे, प्रियंका गांधी, योगेंद्र यादव, संजय राऊत, सुप्रिया सुळे यांच्यासह अनेक खासदार व आमदार सहभागी झाले होते. हे सर्व नेते बसमधून सर्वोच्च न्यायालयाच्या दिशेने निघाले होते, तर काही आमदार पायीच मोर्चात सहभागी झाले.

गेल्या पाच दिवसांपासून इंडिया आघाडी ज्ञानेश कुमार यांच्या राजीनाम्याच्या मागणीसाठी आंदोलन करत आहे. “ज्ञानेश कुमार यांनी केलेले काम बेकायदेशीर आणि असंविधानिक आहे. मतचोरीचे जे पुरावे दिले आहेत, ते लोकशाही वाचवण्यासाठी संघर्ष आवश्यक असल्याचे दर्शवतात,” असे इंडिया आघाडीच्या नेत्यांनी सांगितले. सर्वोच्च न्यायालयात जाऊन आपले म्हणणे मांडण्याचा प्रयत्न इंडिया आघाडीने केला आहे. परवानगी नाकारल्यामुळे पोलिसांनी मोठा बंदोबस्त ठेवला होता आणि दिल्लीत अनेक ठिकाणी बॅरिकेडिंगही करण्यात आली होती.