“अजितदादा सोबत आले तर, अमर अकबर अँथनी पिक्चर चांगला चालेल”

जळगाव : राष्ट्रवादीचे नेते अजित पवार हे महायुतीच्या बाजूने जातील, अशी जोरदार चर्चा सध्या राज्याच्या राजकीय वर्तुळात आहे. यावर पाणीपुरवठा मंत्री गुलाबराव पाटील यांनी सूचक प्रतिक्रिया दिली आहे. हवामानाचा अंदाज असा दिसतोय की राष्ट्रवादीमध्ये ढगाळ वातावरण निर्माण झालं आहे. त्यामुळे शिवसेना भाजपचा जोरदार पाऊस पडेल असं दिसतंय, अशी प्रतिक्रिया गुलाबराव पाटील यांनी दिली आहे. अजित पवार आता थांबणार नाहीत, असंही ते यावेळी म्हणाले. अजित पवार हे डॅशिंग नेते आहेत. कोणताही निर्णय घेताना ते घाबरणार नाहीत. अजित पवार आमच्यासोबत आले तर अमर अकबर अँथनी पिक्चर चांगला चालेल, असंही गुलाबराव पाटील म्हणाले आहेत.