Jejuri Dasara Sohala : येळकोट येळकोट जय मल्हारच्या जयघोषात जेजुरीच्या मर्दानी दसऱ्याला सुरुवात

महाराष्ट्राचे कुलदैवत असलेल्या जेजुरी येथे पारंपरिक मर्दानी दसरा मोठ्या उत्साहात साजरा करण्यास सुरुवात झाली आहे. येळकोट येळकोट जय मल्हारच्या जयघोषात खंडोबाची पालखी रमण्याच्या दिशेने मार्गस्थ झाली आहे. जेजुरीच्या या मर्दानी दसऱ्यातील सर्वात लक्षवेधी कार्यक्रम म्हणजे ४२ किलो वजनाच्या खंडा तलवार स्पर्धा.

मध्यरात्री सीमोल्लंघन झाल्यानंतर जेजुरीच्या मर्दानी दसऱ्याला अधिकृतपणे सुरुवात झाली. देवभेटीसाठी गडावरून खंडोबाच्या पालखीचे प्रस्थान देखील झाले. सकाळी या खंडा स्पर्धेचा थरार अनुभवता आला. टीव्ही ९ मराठीचे प्रतिनिधी विक्रम वरे यांनी दिलेल्या माहितीनुसार, कालपासूनच मर्दानी दसऱ्याला सुरुवात झाली असून, या स्पर्धेत जो स्पर्धक सर्वात जास्त वेळ खंडा उचलून धरेल त्याला प्रथम पारितोषिक दिले जाते. ही स्पर्धा पाहण्यासाठी मोठ्या संख्येने भाविक दाखल झाले होते, ज्यामुळे संपूर्ण परिसरात उत्साहाचे वातावरण निर्माण झाले होते.