Jyoti Kadam : कदमांच्या पत्नीनं जाळून घेतलं की जाळलं? 1993 मध्ये काय घडलं? परबांना ज्योती कदमांनी सगळंच सांगितलं

रामदास कदमांच्या पत्नी ज्योती कदम यांनी आज माध्यमांसमोर येत अनिल परब यांनी केलेल्या आरोपांचे खंडन केले. १९९३ साली घडलेल्या एका घटनेवरून परब यांनी ज्योती कदमांनी आत्महत्या करण्याचा प्रयत्न केल्याचा किंवा स्वतःला जाळून घेतल्याचा सवाल केला होता. यावर ज्योती कदम यांनी स्पष्ट केले की, त्या वर्षी स्टोव्हमुळे माझा पदर जळाला होता आणि त्यामुळे झालेल्या स्फोटात त्या भाजल्या होत्या. तो आत्महत्या करण्याचा प्रयत्न नव्हता, असे त्यांनी ठामपणे सांगितले.

या प्रकरणी रामदास कदम यांनी अनिल परब यांच्यावर तीव्र नाराजी व्यक्त केली आहे. त्यांनी म्हटले आहे की, परब यांनी नाहक त्यांची आणि त्यांच्या पत्नीची बदनामी केली आहे. राजकारणासाठी दुसऱ्यांच्या कुटुंबाला यात ओढणे चुकीचे आहे, असे कदमांचे म्हणणे आहे. अनिल परब यांना याचे परिणाम भोगावे लागतील, असा इशारा देत रामदास कदम यांनी आपल्या पत्नीसह परब यांच्याविरोधात न्यायालयात मानहानीचा खटला दाखल करणार असल्याचे जाहीर केले आहे. यासाठी आवश्यक असलेले प्रतिज्ञापत्र (ॲफिडेविट) तयार केले जात असल्याचे त्यांनी सांगितले. यामुळे महाराष्ट्राच्या राजकारणात आणखी एका वादाला तोंड फुटले आहे.